Ja hérna hér.....

....er ekki komin ný færsla á síðunni hjá þeim. Já þetta gætu margir verið að hugsa um er þeir sjá síðuna okkar núna, Ástæðan fyrir bloggleysi er sú að við höfum ekkert verið á sjó síðustu 3 mánuði og svo sem ekkert að frétta af okkur, nema það kannski að við nýttum tímann í stoppinu og fórum í vélarupptekt á aðalvél. Ætlaði ég alltaf að koma með færslur þá en var netsamband óstöðugt og jafnvel ekkert á meðan því stóð.

 

 

 

 

 

 

 

 

 

 

 

 

Nú þegar styttist óðfluga í jólin og margir í óðaönn að skreyta hús sín og garða er ekki frá sögu færandi nema koma með svo sem eina mynd úr vélarupptektinni. Þar sem plássið hér í vélarrúminu er mjög svo takmarkað og koma þurfti mörgum og stórum hlutum fyrir var ákveðið að hengja upp slífarnar hér og þar og komst yfirmaskínustjórinn að því orði að þetta væri eins og hangandi jólakúlur, s.s. eins og jólaskraut. Lára mín, hvernig skreytir húsbóndinn ykkar heimili eiginlega???;)

 

 

 

 

 

 

 

 

 

 

Þetta er hann Ragnar svart api frá Vélum og skip, var hann okkur innan halds og traust á meðan upptekt stóð yfir. Þess má til gamans geta að hann á eina frægustu bifreið á landinu, hefur bifreið sú komið fram við hin ýmsu tilefni og jafnvel verið notuð í geysi vinsælum sjónvarpsþáttum. Hvaða bifreið skyldi þetta nú vera?

En að allt öðru, þar sem hætta stafaði af að báturinn væri að verða gróinn fastur við kajann var nú ákveðið að senda okkur á sjó, og var gulldeplan fyrir valinu í þetta sinn, erum við búnir að taka tvö hol og er árangurinn ekkert til að hrópa húrra yfir, eru komnir um 180 rúmmetrar ofan í lestar og er mjög rólegt yfir þessu, ekkert er togað yfir nóttina fá menn því nægan svefnfrið á þessu.

Þar til næst (vonum að það verði ekki 3 mánuðir þangað til).

Jón Kj.

Svenni H.