Á leið á miðin

Farið var út kl 1700 eftir að löndun lauk. Landað var 2344 tonn, áætlað að vera á miðunum um kvöldmat á morgun. Lítið fer fyrir Liverpool mönnum í dag, frekar þögulir. Ekki reiknað með nammi frá klúbbnum í bráð, en þó aldrei að vita þegar þeir verða búnir að jafna sig. Doddi formaður klúbbsins um borð var samt mjög glaður við matarborðið, enda sauðkind á borðum, en hann er mikill aðdáandi sauðkindarinnar, og finnst allt sem af henni er matreitt það besta sem hann borðar.

Athugasemdir

[Hallgrímur Guðmundsson, 2.5.2008 kl. 19:53]

Sælir strákar, það er engin ástæða til að syrgja þennan smávægilega greiða sem við gerðum Chelsea, það verður að hleypa öðrum að annað slagið. Nú er bara að girða sig í brók og brosa framan í lífið. Góða veiði.

[Jóhann Elíasson, 2.5.2008 kl. 21:32]

Sammála Halla.  Gangi ykkur vel strákar.