Ennþá ágætt veður

Veðrið er enn ágætt hjá okkur á heimsiglingunni ASA 12-14 m/s, en við eigum von á brælu í kvöld eða nótt, skip sem eru komin norðar eru komin í leiðindaveður t.d. var Börkur NK í  NA 20 m/s á Lónsbugt, annars allt gott að frétta hér nóg að borða og allir við hesta heilsu.

Jón Kjartansson SU-111, fyrsta blogg frá skipinu

Á þessari síðu er meiningin að setja inn fréttir af aflabrögðum og ferðum okkar, myndir verða settar inn af og til og fréttir sem þykja fréttnæmar, síðustjóri hefur ekki verið skipaður en á síðuna verður reynst að setja inn fréttir daglega fyrir þá sem vilja fylgjast með.

Og þá kemur fyrsta fréttin, erum nú á landleið til Eskifjarðar með fullfermi af kolmuna eða 2400 tonn, erum væntanlegir í heimahöfn um miðjan dag á þriðjudag 1 apríl, en það ræðst auðvitað af veðri hvernig heimleiðin gengur.

Síðan væri gott að fá comment af og til svo hægt sé að sjá hverjir lesa síðuna okkar.

Gott í bili. Áhöfnin á Jóni Kjartanssyni SU-111