Á landleið með fyrsta gulldeplu farminn.

Lögðum af stað heim til Eskifjarðar í kvöld með fyrsta farminn af gulldeplu, erum með 1380 m3 sem við vonum að vigti kannski 1100-1200 tonn, fer eftir vatnsmagni í farminum. Enduðum á góðu hali eða 500 m3. Væntanlegir til Eskifjarðar annað kvöld. Vorum að veiðum í Skerjadýpi, og er vegalengd þaðan til Eskifjarðar rúmar 300 sml.

Þrír dagar á Gulldeplu.

Þá eru 3 dagar að baki á Gulldepluveiðum, fiskurinn er eitur smár og sennilega smærri en menn reiknuðu með, 600 m3 sem ekki er vitað hvað er í tonnum. En sennilega þarf að þróa veiðarfæri betur til að ná viðunandi árangri, það vonandi kemur með tímanum.

Til gaman mynd sem sýnir stærðina miðað við vasahníf.