Á siglingu í blíðu veðri

Hér er nú alveg renni blíða aldrei þessu vant, lagt var af stað heim á leið um kvöldmat í gær, ekkert að sjá á miðunum og öll skip að leita eða færa sig yfir í Færeysku landhelgina. Verðum í landi í fyrramálið kl 10-11 ef vel gengur. Afli um 1900 tonn að sögn lestarstjórans.

Að öðru, það er nokkuð ljóst að Guðni mun ekki klæðast Man Utd peysunni í dag, hún var skilin eftir í landi hjá Láru, hann treysti sér ekki sjálfur til að þvo djásnið. En það hefur heyrst að hann ætli að skarta medalíunni í tilefni dagsins. Ekki er vitað hvort sparkspekingurinn Atli Rúnar Fel klæðist sinni Arsenal treyju, en skemmst er frá því að segja að eftir að hann fór að klæðast nýju peysunni hefur jafnteflis manía hrjáð Arsenal liðið.

Netið og síminn hefur verið úti í dag vegna bilunar í jarðstöð hjá Thor í Noregi en er nú komið í lag.

Athugasemdir

[Runólfur Jónatan Hauksson, 13.4.2008 kl. 21:55]

Góða heimkomu piltar. Og til lukku með leikinn í dag Manchestermenn.

[Hallgrímur Guðmundsson, 13.4.2008 kl. 22:53]

Góða heimkomu. Flottur leikur í dag til lukku þið sem haldið með UTD. Arsenal gaurunum ætti að bjóða upp á svið.

[Haraldur Bjarnason, 13.4.2008 kl. 23:21]

Gangi ykkur vel strákar, en Hallgrímur þú býður upp á svið. Já "Arsenalgaurar" verða í sviðsljósinu áfram, það er öruggt.

[Hallgrímur Guðmundsson, 14.4.2008 kl. 00:27]

Úff hvað ég finn til með aðdáendum Arsenal, þetta lið spilar flottan og skemmtilegan bolta en það vantar eitthvað til að klára málin. Spurning hvort Frakkinn sé kominn á tíma og þörf sé á breytingu á þeim bænum, hver veit? En á meðan verða þeir áfram í skugga sviðsljóssins af hinum.

[Jóhann Elíasson, 14.4.2008 kl. 08:57]

Góða heimkomu strákar og til hamingju Púllarar!