Erfiður dagur í gær

Þegar kvöldmat lauk í gærkvöldi og menn höfðu innbyrt nautasteik og ís á eftir var farið og híft, voru þá um 600 tonn í pokanum og að dælingu lokinni hélt afmælisveislan áfram, þá tók við kvöldkaffi og meira af tertum og góðgæti sem afmælisbarnið bar á borð. Síðan var dregið langhal og hífð í dag um 400 tonn. Nú vantar um 200 tonn og verið að toga við línuna milli Færeyja og Skotlands. Menn voru fegnir að fá soðningu í dag eftir veisluhöld gærdagsins. Bíða menn nú mjög spenntir eftir næsta ári en þá verður Sigurður bryti 50 ára. Síðan vil Ragnar ítreka að hann bíður öllum vinum og vandamönnum í kaffi og með því í Valhöll þann 1 maí, en það hefur hann gert í gegnum árin.

Athugasemdir

[Rún (IP-tala skráð) 29.4.2008 kl. 15:44]

Sælir,

Raggi gæti nú  þurft að hafa eitthvað meira fyrir þessu núna þar sem ekkert kaffi er í Valhöll  þetta árið á vegum verkalýðsfélagsins.