Á landleið með hálffermi og vélarbilun.

Höfðum tekið 3 höl sem gáfu 330-430-400 tonn eftir 11-15 tíma tog. Þegar verið var að hífa síðasta halið kom í ljós að tengi milli ásrafals og vélar var farið, og skipið þar af leiðandi rafmagnslítið. Ljósavél sett í gang og haldið til hafnar, ekkert annað hægt í stöðunni. Verið er að leita að þessu tengi og voru menn vongóðir um að það fengist í Danmörku eða Þýskalandi, en það hefur ekki fengist staðfest ennþá. Ef þarf að smíða tengið tekur það um 5 daga.

Meistaradeildin í gær og i kvöld, mikil spenna, sumir glöddust í gær en aðrir ekki, sama verður í kvöld, einhverjir gleðjast en aðrir fara í fýlu. Mikið hefur verið skrifað um leikina á facebook og merkilegt  hvað margir Liverpool menn eru ánægðir með sína menn og segjast hafa fallið út með sæmd.

Athugasemdir

[Svenni H. (IP-tala skráð) 15.4.2009 kl. 21:20]

Get tekið undir þessi orð, leikurinn var mjög skemmtilegur og ekki síst spennandi á köflum, var maður orðinn vongóður með að mínir menn mundu hafa þetta að lokum en allt kom fyrir ekki og hafði Chelsea betur í þetta skiptið, alltaf gaman að horfa á leiki þar sem skoruð eru mörg mörk.

kv. Svenni