Blíðu veður en lítil veiði

Erum nú staddir við suðurkantinn á Munkagrunni, sem er beint suður úr Færeyjum. Veðrið getur ekki verið betra sól og blíða, og er Óðinn Leifsson orðinn fallega brúnn eftir mikla legu í sólabaði. Nú er togað lengi og lítið annað að gera en að liggja í sólbaði og borða grillsteikur að hætti kokksins. Í gærkvöldi hífð 380 tonn og í fyrradag 140, lengi togað. Að sögn lestarstjórans 850 tonn í skipi.Ps það náðist að mynda skipstjóran og Óðinn er þeir voru að viðra sig.

Rólegt yfir veiðum

Það er fremur rólegt yfir kolmunaveiðum, köstuðum í morgun og hífðum lítið ca100 tonn eftir 8 tíma, og erum núna að leita.

Eins og flestir kannski sjá er komin toppmynd á síðu af öllu Jónum Kj, reyndar sést bara aðeins í stefnið á þeim fyrsta sem var smíðaður í Danmörku 1956 og var 63 brt. Hann hét síðan Einir og var gerður út undir því nafni á Eskifirði. Þessi bátur var dæmdur ónýtur 1982, en þá hét hann Jón Pétur.

Jón nr 2 var smíðaður  í Noregi 1963 og var 278 brt, síðar hét hann Guðrún Þorkelsdóttir þá Sæberg og síðast Eskfirðingur en skipið sökk á Héraðsflóa 1988.

Jón nr 3 var var smíðaður í Englandi 1949 sem síðutogari og hét fyrst Jörundur og þá Þorsteinn Þorskabítur, og Sigurey, kom 1966 til Eskifjarðar, og sökk 1973 út af Reyðarfirði þegar skipið stundaði loðnuveiðar.

Jón nr 4 var smíðaður í Þýskalandi 1960 og hét Narfi, 1980 selt til Eskifjarðar og þá skírður J.K., skipinu var breytt mikið í Póllandi 1997-99 endurbyggt og sett í það ný vél, síðar hét skipið Guðrún Þorkelsdóttir og heitir nú Lundey NS, frá 2006. Myndir nr 2 og 3 frá hægri er skipið.

Jón nr 5 var smíðaður í Svíþjóð og Danmörku 1978, og hér Eldborg HF var seldur til Eskifjarðar 1988 og skírður Hólmaborg, frá 2006 Jón Kjartansson.

 

Lítið að frétta

Hífðum eftir langan tíma 230 tonn. Nú er verið að leita, og ekkert að frétta.

Á leið á miðin

Farið var út kl 1700 eftir að löndun lauk. Landað var 2344 tonn, áætlað að vera á miðunum um kvöldmat á morgun. Lítið fer fyrir Liverpool mönnum í dag, frekar þögulir. Ekki reiknað með nammi frá klúbbnum í bráð, en þó aldrei að vita þegar þeir verða búnir að jafna sig. Doddi formaður klúbbsins um borð var samt mjög glaður við matarborðið, enda sauðkind á borðum, en hann er mikill aðdáandi sauðkindarinnar, og finnst allt sem af henni er matreitt það besta sem hann borðar.

Aðalsteinn Jónsson er látinn

     Í morgun bárust okkur þar fréttir að Alli væri dáinn, hann lést á sjúkrahúsinu í Neskaupstað í morgun. Viljum við áhöfnin á Jóni  Kjartanssyni votta fjölskyldu hans okkar dýpstu samúð.

 

Sigling heim gengur vel verðum í landi milli 18 og19 í kvöld.

Á landleið

Lögðum af stað heim á leið kl 0900 í morgun, eftir að hífð höfðu verið 150 tonn. Komutími heima óviss vegna þess að haldi er hér beint í norður til að sleppa við óveður sem er í hafinu og út af suðausturlandi.

Erfiður dagur í gær

Þegar kvöldmat lauk í gærkvöldi og menn höfðu innbyrt nautasteik og ís á eftir var farið og híft, voru þá um 600 tonn í pokanum og að dælingu lokinni hélt afmælisveislan áfram, þá tók við kvöldkaffi og meira af tertum og góðgæti sem afmælisbarnið bar á borð. Síðan var dregið langhal og hífð í dag um 400 tonn. Nú vantar um 200 tonn og verið að toga við línuna milli Færeyja og Skotlands. Menn voru fegnir að fá soðningu í dag eftir veisluhöld gærdagsins. Bíða menn nú mjög spenntir eftir næsta ári en þá verður Sigurður bryti 50 ára. Síðan vil Ragnar ítreka að hann bíður öllum vinum og vandamönnum í kaffi og með því í Valhöll þann 1 maí, en það hefur hann gert í gegnum árin.

92 ára afmæli í dag

Í dag haldið upp á 92 ára afmæli Sigurðar Joensen, og Ragnars Eðvarðssonar, en Sigurður er 49 ára í dag og Ragnar verður 43 ára þann 1 maí. Buðu þeir til veislu í borðsal skipsins þar sem tertur voru fram bornar  fagurlega skreyttar.  Er það mál manna að þeir hafi elst mjög vel, en þeir tóku snemma út fullann vöxt,  þó að þeir hafi alist upp á mjög ólíku fæði, sem sagt Sigurður á færeyskum mat grind og spiki og skerpukjöti ásamt fl.  Sagna segir að Ragnar hafi aðallega borðað kornflex og cocapuffs á sunnudögum allt annað hafi honum fundist vont. Ekki er vitað hvenær veisluhöldum líkur en Ragnar segir að það sé viðtekin venja hjá sér að halda sína veislu allavega fram yfir 1 maí og ætlar hann að bjóða öllum sem lesa þetta í baráttu kaffi í i Valhöll þann dag, en það hefur hann gert undanfarin ár. Látum myndirnar tala sínu máli, og óskum við skipsfélagar þeim innilega til hamingju með daginn.

Af veiði er það að frétta kastað var í  morgun eftir tæplega sólahrings brælu og er sæmilegt útlit og sennilega fljótlega hífað eftir mat ef menn treysta sér til vegna mikilla þrekrauna við matarborðið í dag, þar sem boðið hefur verið upp á tertur og steikur í allan dag.

Vetrar veður í dag

Í gær sumar blíða en nú er bræla og haldið upp í veðrið, suðvestan 20-25 m/s. Í morgun hífð 400 tonn og í gærkvöldi 450. Spáin segir að lægja eigi í nótt. Guðni var ekki Man Utd peysunni í dag, en það dugði ekki til þeir töpuðu samt.

Fyrsta hol..

gaf 350 tonn, hér er nú sumar blíða, suðvestan gola og sólskin.