Rólegt yfir veiðum en mikið að gera á textavarpinu

Það er lítið að ske á síldarmiðunum hér við norsku línuna, erum komnir með 1050 tonn og erum núna að leita. Veðrið hefur verið sæmilegt en samt er búið að vera talsverður veltingur enda þungur sjór.

Eftir því hefur verið tekið hér um borð að Doddi og Bjarni eru alltaf á textavarpinu að ath og sýna öðrum hér í áhöfn hver staða þeirra liða er, en Doddi formaður Liverpool klúbbsins hér um borð er mjög ánægður með sína menn, enda í efsta sæti. Þá er Bjarni alltaf að ath hvort Aston Villa sé ekki ennþá í 5 sæti á milli Arsenal og Man Utd. Guðni Þór hefur ekki enn farið i Man Utd peysuna en Stebbi bauð honum að lána honum Everton könnuna á sunnudag en án árangurs.

Það er eitthvað

Hér var kastað trollinu í gær um hádegi og erum við búnir að taka 3 hol og komnir með 750 tonn og erum að toga .  kv SU111

Á útleið í norð-austur átt.

Kl 2200 í gærkvöld farið úr höfn og freista skal gæfunnar í Síldarsmugunni eða á Jan Mayen, fyrir eru þar nú Aðalsteinn og Ingunn en við og Lundey á leiðinni, engar fregnir að veiðum enn.

Á landleið

Lagt var af stað heim á leið kl 0800 í morgun með ca 2300 tonn af síld. Veiðiferðin hefur tekið um 10 daga þegar í höfn verður komið annað kvöld. Ekki var mikið af síld á miðunum og þurfti oft að leita á milli kasta. Þó fengust ágæt hol það stærsta var 450 tonn. Í túrnum var verið að prufa nýtt troll frá Egersund með 6 kant möskvum og reyndist það vel. Þá var settur nýr sónar frá Furuno í skipið í slippnum um daginn og er það mikill munur á og gamla tækinu sem var.

Kv Áhöfnin á SU-111

 

er að klárast

þá er ekki mikið eftir eð svo sem 250-300 tog er vonast til að það hafist í næsta holi en við erum að leita núna en það er bara að vera bjartsýnir en ekki mála skrattann á veggin en menn gera það yfirleitt ekki .  kv áhöfnin á SU111.   

erum að leita

Hér er búið að taka ein 3 hol frá því síðast var skrifað  eitt 250, 270 og 150 tonn og er komið rúmlega í kælinguna og þá ætti að fara að styttast í þessum túr en annars er lítið að frétta hér norður í höfum og biðjum að heilsa í bili .  kv SU111

það er síld

Já það er síld í gær vorum við að leita en þessi fiskur er góður í að láta sig hverfa en svo var kastað í nótt og híft aftur í dag eitthvað um 270 tonn en í fyrradag voru hífð 250t svo þetta er ekki lélegt svo vonum við að það fari að skána aðeins í sjóinn því það er búið að vera kalda fýla undanfarið.  kv áhöfnin á SU111.

Erum komnir á sjó

Það var farið á þriðjudag og stefnan tekin norður á við á síld og erum búnir að taka tvö hol annað 250 og 400 tonn og eru allir sáttir við að vera komnir á sjó.kv SU 111.

Slippur

Á leið í slipp til Reykjavíkur og verðum þar um miðjan dag á morgun, venjulegur slippur ýmsar lagfæringar og málning.

Allt tekur nú enda

Já eins og fyrirsögnin segir til þá er þessum túr að enda kominn og er þetta jafnframt síðasti túrinn hjá okkur á Jóni Kjartanssyni á þessum síldar, og ekki síst, makríls ævintýrum. Má til gamans geta að við höfum fiskað 6000 tonn af makríl í sumar og á þessi túr eftir að bætast við þá tölu. Sló síðasti túr öll met er við lönduðum tæpum 1800 tonnum af makríl og tæp 400 af síld og var aflaverðmætið nærri 60 kúlum efti 6 og 1/2 sólarhring höfn í höfn. Einblíndu menn á stífan sóknarleik í þeim túr og í stuttu viðtali við Kaptein Hjálmar sem ég átti kom fram að við dældum einnig 1100 tonnum í Aðalstein okkar Jónsson í túrnum svo við erum mjög sáttir með þennan árangur hjá okkur og ekki síst hjá starfsmönnum á stjórnpalli. En í byrjun þessarar veiðiferðar birtist Stéfán stýrimaður með glænýjar sjóbuxur og tjáði mér jafnframt fyrst að þetta hafi verið mettúr þá hafi hann splæst á sig nýjum buxum og ekki veitti af. En komu sumir menn með þá skýringu að Viktor hafi keypt þær handa Stéfáni og tjáði hann sig lítið um þau mál hann Stéfán. En hvað sem því líður tekur hann sig helvíti vel út í þeim og má jafnframt bæta því við að hann kom líka ný klipptur í þennan túrinn.

 

 

En að allt öðrum málum, það hefur verið mjög rólegt á miðunum undanfarið, fengum 200 tonn aðfara nótt miðvikudags og kom trollið rifið upp, erum svo komnir núna í túngarðinn og kastaði Alli sínu trolli snemma í morgun og var svo híft í dag og dældu þeir 150 tonnum í okkur og afgangnum í sig. Þökkum við þeim kærlega fyrir það.

Við eigum löndun í fyrramáli og eftir það tekur við þrif og fleira, en erum við að fara með bátinn í slipp til Reykjavíkur í næstu viku og verður kannski lítið um skrif á síðu þessari á meðan, en ef að tími gefst munu vélamenn skipsins kannski leyfa ykkur að fylgjast með gangi mála í borg óttans.

En að lokum fyrir hönd áhafnarinnar vil ég þakka öllum á Aðalsteini Jónssyni fyrir gott samstarf í sumar og ekki síst sendingunum sem okkur hafa borist frá þeim og óskum við þeim góðs gengis það sem eftir er af síldarvertíðar. Set hér inn mynd af syninum sem ég tók á loðnuvertíð 2006.

 

Mbkv. áhöfnin á Jóni Kjartanssyin SU111