Kom að því...

...að ég setti svo sem eina færslu hér inn í þessum túrnum. Er þetta allt gert fyrir Sigurjón löndunarkall, segir hann að ég sé ekki nógu duglegur að blogga, það séu svo margir sem fylgjast með okkur á þessu bloggi og ég verði að vera duglegur. Tek ég þessi orð hans með fyrirvara þar sem allir þeir sem skoða þessa síðu (að hans sögn) skilja aldrei neitt eftir í athugasemdum, gaman væri ef svo margir fylgdust með okkur að einhverjir af þeim mörgu mundu kvitta kannski fyrir, ja kannski svona annað slagið

En þá að allt allt öðru, einn áhafnarmeðlimurinn hér um borð eignaðist afabarn í fyrradag, var þar á ferðinni lítill drengur sem leit dagsins ljós, óskum við afanum, ömmunni og að sjálfsögðu nýbökuðu foreldrum innilega til hamingju með litla prinsinn.

 Hér er svo afinn, Hreggviður Friðbergsson, að flaka sér kolmunna til þerris, bragðast hann (þ.e.a.s. kolmunninn) mjög vel er búið er að þurrka hann.

Þá að fiskifréttum, erum við á okkar fjórða holi og hefur veiðin eitthvað dregist saman, er svo komið að búið er að pumpa einum 900 tonnum í lestar skipsins. Í einni dælingunni slæddist með einn fiskur er lítur svona út...

 

 

 

 

 

 

 

 

 ...og er menn vorum búnir að kíkja í fiskabókina var niðurstaðan sú að hér væri á ferðinni Fagurserkur (lat; Beryx splendens, ens; alfonsino). Lifir hann á 25m og niður á 1300 metra dýpi og getur orðið 70cm langur, algengast 25-40cm.

Þar til næst.

Kv. Jón Kj.

SVH

Athugasemdir

[Einar Þ (IP-tala skráð) 28.4.2010 kl. 07:19]

Skil eftir spor

[Raggi (IP-tala skráð) 28.4.2010 kl. 07:50]

Bið að heilsa ykkur

[Stefán Þór (IP-tala skráð) 28.4.2010 kl. 08:58]

Góðan morgun nú,er vaknaður og búinn að lesa,þakka þér Sveinn

[Sigurpáll (IP-tala skráð) 28.4.2010 kl. 09:12]

Kíki hingað reglulega þegar koma nýjir pistlar, alltaf gaman að frétta af ykkur

[Sigurjón löndunarkall (IP-tala skráð) 28.4.2010 kl. 10:01]

Húsvíkingurinn alltaf flottur.Takk fyrir mig

[vellarinn (IP-tala skráð) 28.4.2010 kl. 19:27]

fylgist með öðru hvoru. kvitt kvitt

kv. Alli Vell

[Hlynur (IP-tala skráð) 29.4.2010 kl. 00:07]

Kem hérna reglulega og kíki. Það er rétt hjá Sigurjóni það eru margir sem lesa þetta.

[Börkur.... veitustjóri..... (IP-tala skráð) 29.4.2010 kl. 13:27]

Sælir félagar... Já menn mættu vera duglegri við að kvitta, maður finnur fyrir tilgangsleysi yfir þessum bloggfærslum og hefur á tilfynningunni að enginn nenni að lesa. Ef þið rekist á svona óvenjulega fiska er rétt að kippa þeim með, td. er okkar kapteinn ánægður ef hann getur fært sjaldgæfa fiska heim á fiskidaginn mikla.

[hannes (IP-tala skráð) 29.4.2010 kl. 13:42]

Já maður skoðar síðuna hjá ykkur til að fylgast með

Takk fyrir.