Það hafðist....

....að koma með smá fréttir, loksins loksins, af köllunum á Sulla. Hefur ritstjóri staðið undir mikilli pressu frá ýmsum aðilum, hvort sem er af sjónum eða úr landi, að koma með einhverjar fréttir. Vill ritstjóri ekki halda því fram að svo kölluð bloggleti hafi hrjáð hann heldur er hann að gera óformlega könnun á því hvort einhverjir saknar okkar eða hvað????? Eru menn hvattir til að skilja eftir eina og eina athugasemdir.

En að allt öðru, hér um borð hefur verið mikil gleði, þá aðallega hjá kongóbúanum og yfirmussamaskínumeistara, í dag, hafa menn jafnvel hoppað hæð sína í loft upp. Tilefnið? jú hitastigið komst yfir 10 gráður bæði á Eskifirði og Teigarhorni í dag, og gott betur en það, rúmar 15 gráður, takk fyrir. Kættust menn enn meira er þeir sáu að hitinn var hærri á fyrrnefndum stöðum en í nafla alheimsins, fyrir þá sem ekki vita hver nafli alheimsins er, er það að sjálfsögðu gamla góða vík, HÚSAVÍK. Er þetta í fyrsta skipti í túrnum sem hitastigið er hærra á Teigarhorni og Eskifirði en í Naflanum.

Eitthvað er nú veiðin að minnka hjá okkur og hefur verið lítið um að vera í dag, erum við búnir að hífa þrisvar sinnum og aflinn um 1050 tonn, mest megnis síld, hefur einn og einn makríll sést renna niður í lestarnar og er það ekkert til að tala um.

Þar til næst.

Kv. Jón Kj.

SVH

Athugasemdir

[Stjáni Hauks (IP-tala skráð) 20.7.2009 kl. 09:48]

Endilega halda áfram að blogga, alltaf gaman að fá fréttir af aflamönnum frá Eskifirði.

Kveðja Stjáni

[Eddi Gjé (IP-tala skráð) 21.7.2009 kl. 13:55]

jæja sveinn, þetta er ekki nokkur einasta frammistaða hjá þér drengur og skorum við guðmundarmenn á þig í bloggkeppni.:)

kv Eddi Gjé

[Ritstjóri (IP-tala skráð) 21.7.2009 kl. 16:58]

Sæll Eddi, ég er nú ekki vanur að skolast undan áskorunum, en eftir að hafa lesið bloggið ykkar undanfarið er mikið verk fyrir höndum að slá það út, hafa þetta verið hreint snilldar færslur hjá Haffa félaga mínum og ljósmyndarinn, réttur maður á réttum stað.

Kveðja til ykkar frá okkur

[Eddi Gjé (IP-tala skráð) 21.7.2009 kl. 17:14]

ég þakka hrósið með ljósmyndirnar, þar sem ég á nú heiðurinn af þeim alla vega úr síðasta túr og landleguni á þórshöfn:) en já satt er það haffi er snilldarmaður í alla staði